سابق آئی جی سندھ غلام حیدر جمالی پولیس اہلکاروں کی تنخواہوں میں کرپشن کے کیس میں بری
کوئٹہ (روزنامہ معلوم ) کراچی: اینٹی کرپشن عدالت نے محکمہ پولیس کے ملازمین کی تنخواہوں میں کٹوتی اور مبینہ کرپشن کے کیس میں سابق آئی جی سندھ غلام حیدر جمالی سمیت دیگر ملزمان کو بری کر دیا۔
متعلقہ پوسٹس
بری ہونے والے دیگر ملزمان میں ایس ایس پی تنویر احمد طاہر اور محکمہ ورکس اینڈ سروسز کے اسسٹنٹ ڈائریکٹر علی اصغر کلہوڑو بھی شامل ہیں۔پراسیکیوشن کے مطابق ملزمان کے خلاف کیس نیب سے اینٹی کرپشن کو منتقل کیا گیا تھا جس میں الزام عائد کیا گیا تھا کہ انہوں نے پولیس ملازمین کی تنخواہوں سے اے جی سندھ آفس کی ملی بھگت سے غیر قانونی کٹوتیاں کیں۔استغاثہ کا مؤقف تھا کہ تنخواہوں میں کٹوتیوں کے ذریعے کروڑوں روپے کی کرپشن کی گئی جبکہ ملزمان پر اختیارات کے ناجائز استعمال، سرکاری فنڈز میں خورد برد اور دیگر مالی بے ضابطگیوں کے الزامات بھی عائد تھے